Pep Guardiola raportohet të jetë takuar në Milan me drejtorin sportiv të Juventusit, Fabio Paraticin, por trajneri nuk pritet të tërhiqet nga Manchester City.

Bazuar në një raport nga Mario Gago Huerta, një gazetar në radio stacionin spanjoll Onda Cero, Guardiola ka shfrytëzuar udhëtimin e tij të sotëm (e martë) që të takohet me Paraticin dhe të ketë një “bisedë” me të, transmeton portali arbresh.info.

Megjithatë, Gago thotë se “nuk pritet” që katalunasi të jetë zëvendësues i Massimiliano Allegrit pavarësisht se klubi mund të përballet me sanksione ne Financial Fair Play, përfshirë përjashtimin nga Liga e Kampionëve.

Përveç kësaj, arsyeja kryesore e vizitës ka qenë një event bamirës duke marrë parasysh që edicioni me klubin anglez ka përfunduar duke siguruar tripletën.

48-vjeçari madje ka deklaruar në përfundim të javës së kaluar se nuk do t’i bashkohet “Zonjës së Vjetër”./arbresh.info/